ពីធីបើកបវេសនកាលថ្មីឆ្នាំសិក្សា២០១១-២០១២ សាលារៀនសុវណ្ណភូមិ ទីតាំងក្រុងតាខ្មៅ


កាលពីព្រឹកថ្ងៃទី ៣០ ខែ កក្កដា ឆ្នាំ២០១១ សាលារៀនសុវណ្ណភូមិទីតាំងក្រុងតាខ្មៅផ្ទះលេខ ២២ ផ្លូវ១០៨ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល បានប្រារព្ធពិធីបើកបវេសនកាល ឆ្នាំសិក្សាថ្មី២០១១២០១២ ក្រោមអធិបតីភាព៖
លោក ជា ធីឡាយ​ អគ្គនាយក អ៊ិន ធី ស៊ីគ្រុប
លោក ឃឹម​ ផុន​ នាយកប្រតិបត្តិ អ៊ិន ធី ស៊ី
គ្រុប
ថ្នាក់ដឹកនាំ អ៊ិន ធី ស៊ីគ្រុប និងថ្នាក់ដឹកនាំសាលារៀនសុវណ្ណភូមិ លោកគ្រូ-អ្នកគ្រូ អាណាព្យបាល សិស្ស និងសិស្សានុសិស្សទាំងអស់។ សាលារៀនសុវណ្ណភូមិមាន ៦ទីតាំង ៤ទីតាំងក្នុងរាជធានីភ្នំពេញ មួយទីតាំងនៅក្នុង ក្រុងតាខ្មៅខេត្តកណ្តាលនិងមួយទីតាំងទៀតនៅ ក្រុងបាត់ដំបង ខេត្តបាត់ដំបង ដែលមាន ផ្តលសេវាកម្មអប់រំថ្នាក់ចំណេះទូទៅខ្មែរពីមត្តេយ្យដល់ទី១២ និងភាសាអង់គ្លេសទូទៅ គ្រប់កំរិត។
ក្នុងឱកាសនោះដែរលោក ឃឹម ផុន នាយកប្រតិបត្តិ អ៊ិន ធី ស៊ី គ្រុប មានប្រសាសន៍ថា៖ វត្តមាន របស់លោក-លោកស្រីនាពេលនេះ បានបង្ហាញអោយឃើញយ៉ាងច្បាស់នូវការយកចិត្តទុកដាក់ទៅ លើការអប់រំដល់បុត្រធីតារបស់លោកអ្នក​ ដែលមានសាលារៀនសុវណ្ណភូមិដើរតួនាទីយ៉ាងសំខាន់ ក្នុងការរួមចំណែកអភិវឌ្ឍន៍ធនធានមនុស្ស ជាមួយរាជរដ្ឋាភិបាល ក្រោមកិច្ចសហប្រតិបត្តិការជាមួយ ក្រសួងអប់រំ យុវជន និងកីឡា​ សំដៅលុបបំបាត់ភាពមិនចេះអក្សរ និងការកាត់បន្ថយភាពក្រីក្រនៅ ក្នុងព្រះរាជាណាចក្រកម្ពុជា។
សាលារៀនសុវណ្ណភូមិ គឺជាស្ថាប័នអប់រំមួយក្នុងចំណោមស្ថាប័នផ្សេងទៀត របស់អ៊ិន ធី ស៊ីគ្រុប ដែលបានបង្កើតឡើងក្នុង ខែ កក្កដា ឆ្នាំ២០០៩ ដែលមានចក្ខុវិស័យ ផ្តល់សេវាអប់រំប្រកបដោយ គុណភាពជូនដល់សិស្សានុសិស្សគ្រប់មជ្ឈដ្ឋានទាំងអស់ ចាប់ពីកម្រិតមត្តេយ្យសិក្សា​រហូតដល់ វិទ្យាល័យ និងភាសាអង់គ្លេសទូទៅចាប់ពីកំរិតមត្តេយ្យដល់មធ្យមសិក្សា។
ដើម្បីសម្រេចអោយបាននូវចក្ខុវិស័យខាងលើ សាលារៀនសុវណ្ណភូមិមានបេសកម្មសំខាន់ៗ ចំនួន៤ដូចខាងក្រោម៖
១.​ ផ្តល់ជូននូវកម្មវិធីសិក្សាដែលមានគុណភាព ដើម្បីអោយសិស្សមានការអភិវឌ្ឍន៍ លើផ្នែករាងកាយ បញ្ញា ស្មារតី សីលធម៌ និងវប្បធម៌ ។
២.​ ផ្តល់ជូននូវគ្រូបង្រៀនដែលមានបទពិសោធន៍ និងជំនាញច្បាស់លាស់ អាចធ្វើឲ្យសិស្សា នុសិស្សមានការរីកចំរើនទៅលើការសិក្សានៅក្នុងថ្នាក់រៀន និងសកម្មភាពផ្សេងៗទៀត។
៣. ផ្តល់ជូននូវបរិយាកាសល្អក្នុងការសិក្សា សិស្សានុសិស្សទាំងអស់ ត្រូវបានជំរុញ និងលើក ទឹកចិត្តនូវរាល់សមិ្មទ្ធិផល និងស្នាដៃផ្សេងៗដែលពួកគេបានសម្រេចបាន។
៤. ផ្តល់នូវសំភារៈឧបន្ទេសគ្រប់គ្រាន់ សំភារៈឧបន្ទេសទាំងអស់ ត្រូវបានធានាអោយមាន ទៅតាមកំរិតសិក្សានីមួយៗ ធ្វើយ៉ាងណាដើម្បីអោយការសិក្សារបស់សិស្សមានការ រីកចម្រើន៕
លោកឃឹម ផុនបានបន្តទៀតថា៖ ការសម្រេចបាននូវចក្ខុវិស័យ របស់សាលារៀនសុវណ្ណភូមិ កើតចេញពីការខិតខំប្រឹងប្រែងទាំងកំលាំងកាយ កំលាំងចិត្ត និងកំលាំងប្រាជ្ញា របស់គណៈគ្រប់គ្រង សាលារៀនសុវណ្ណភូមិគ្រប់លំដាប់ថ្នាក់ លោកគ្រូ-អ្នកគ្រូ បុគ្គលិកគ្រប់ផ្នែក និងការចូលរួមយ៉ាងសកម្ម ពីសំណាក់មាតាបិតាសិស្សនៅក្នុងសហគមន៍ទាំងមូល។ ជាលទ្ធផល ត្រឹមការសិក្សាឆ្នាំ ២០១០ -២០១១ កន្លងមកនេះ សាលារៀនសុវណ្ណភូមិបានប្រមូលសិស្សអោយចូលរៀនសិក្សាសរុប​ ១៥,០០០ នាក់ ក្នុងចំណោម៦ទីតាំង។ ដោយសារមានការទទួលស្គាល់នូវគុណភាពអប់រំផ្នែកចំណេះទូទៅខ្មែរ និងភាសាអង់គ្លេស អំពីសំណាក់មាតាបិតាសិស្សក៏ដូចជាប្អូនៗ សិស្សានុសិស្សគ្រប់មជ្ឈដ្ឋាន គណៈគ្រប់គ្រងសាលារៀនសុវណ្ណភូមិ បាននឹងកំពុងសិក្សាទៅលើពង្រីកទីតាំងថ្មីៗបន្ថែមទៀតនា ឆ្នាំសិក្សា ២០១១-២០១២ ខាងមុខនេះ ទាំងនៅក្នុងទីក្រុងភ្នំពេញ និងនៅតាមទីរួមខេត្តសំខាន់ៗ មួយចំនួនទៀត។ ការពង្រឹងវិសាលភាពសេវាកម្មអប់រំរបស់សាលារៀនសុវណ្ណភូមិ គឺដើម្បីឆ្លើយតប ទៅតាមតម្រូវការរបស់អ្នកសិក្សា ដែលពួកគេចាំបាច់ត្រូវតែទទួលបាននូវការអប់រំមួយ ប្រកបដោយ ចំណេះដឹង និងចំណេះធ្វើពិតប្រាកដ ដោយមានក្រសួងអប់រំយុវជននិងកីឡា និងមន្ទីរ អប់រំយុវជន និងកីឡា ជាអាណាព្យាបាលផ្ទាល់។

ពិធីប្រគល់លិខិតសរសើរ និងអាហាររូបករណ៍នៅសាលារៀនប្រ៊ីជតុនទី៤ស្ទឹងមានជ័យ



នៅព្រឹក​ថ្ងៃទី២៨ ខែកក្កដា ឆ្នាំ២០១១ សាលារៀនប្រ៊ីជតុន​ទី៤បានរៀបចំ​ពិធីប្រគល់ លិខិតសរសើរ​ និងអាហាររូបករណ៍ដល់សិស្សានុសិស្សចំណេះទូទៅភាសាខ្មែរ និងអង់គ្លេស​ក្រោម អធិបតីភាព​​ លោក ឃឹម ផុន ប្រធាននាយកប្រត្តិបត្តអ៊ិនធីស៊ីគ្រុប និងលោក មាស សោភ័ណរិទ្ធិ នាយកសាលារៀនប្រ៊ីជតុន។ ​​នៅក្នុងពិធីនោះ​ដែរក៏មានការចូលរួម ពីសំណាក់លោកនាយកនាយករង-នាយិការរងនៃសាលារៀនប្រ៊ីជតុនទី១ ទី២ និងទី៣ ព្រមទាំងលោកគ្រូ-អ្នកគ្រូ និងលោក-លោកស្រី ដែលជាមាតាបិតាអាណាព្យា បាលសិស្ស ​ព្រមទាំងប្អូនសិស្សានុសិស្សយ៉ាងច្រើន​​កុះករផងដែរ។​
នៅក្នុងឱកាសនោះ លោក ឃឹម ផុន នាយកប្រតិបត្តិ នៃអ៊ិនធីស៊ីគ្រុបមានប្រសាសន៍ថា សាលារៀនប្រីជតុន គឺជាស្ថាប័នអប់រំមួយក្នុងចំណោមស្ថាប័នអប់រំផ្សេងទៀតរបស់ អ៊ិនធីស៊ីគ្រុប ដែលបានកើតឡើងនៅក្នុង ឆ្នាំ២០០៧ ដោយមាន៤ទីតាំងក្នុងទីក្រុងភ្នំពេញ។ សាលារៀនប្រ៊ីជតុន មានចក្ខុវិស័យផ្តល់សេវាអប់រំ ប្រកបដោយគុណភាព ជូដល់សិស្សានុសិស្សគ្របមជ្ឍដ្ឋានទាំអស់ ចាប់ពីកំរិតមត្តេយ្យសិក្សារហូតដល់វិទ្យាល័យ និងភាសាអង់គ្លេសទូទៅ ចាប់ពីកំរិតមត្តេយ្យ ដល់មធ្យមសិក្សា។
ការសំរេចបាននូវចក្ខុវិស័យរបស់ សាលារៀនប្រ៊ីជតុនកើតចេញពី ការខិតខំប្រឹងប្រែងទាំកំលាំង កាយចិត្ត និងកំលាំងប្រាជ្ញារបស់គណៈគ្រប់គ្រងសាលាគ្រប់លំដាប់ថ្នាក់ លោកគ្រូ-អ្នកគ្រូ បុគ្គលិក គ្រប់ផ្នែក និងការចូលរួម យ៉ាងសកម្មពីសំណាក់មាតាបិតាសិស្សនៅក្នុងសហគមន៍ទាំងមូល។
ជាលទ្ធិផលត្រឹមសិក្សាឆ្នាំ២០១០‍​-២០១១ កន្លងមកនេះសាលារៀនប្រ៊ីជតុន បានប្រមូលសិស្ស អោយចូល សិក្សាមានចំនួនសរុបជាង ៥,០០០នាក់​ ​ក្នុងចំណោម៤ទីតាំង។​ ដោយសាមានការ ទទួលស្គាល់នូវគុណភាពអប់រំផ្នែក ចំណេះទទូទៅខ្មែរ និងភាសាអង់គ្លេស អំពីសំណាក់មាតាបិតា សិស្សក៏ដូចជាប្អូនៗសិស្សានុសិស្សគ្រប់ំជ្ឈដ្ឋាន គណៈគ្រប់គ្រងសាលារៀនប្រ៊ីជតុន បាននឹងកំពុង សិក្សាទៅលើការពង្រីកទីតាំងថ្មីៗ បន្ថែមទៀតនាឆ្នាំសិក្សា ២០១១-២០១២ ខាងមុខនេះទាំងនៅក្នុងទី ក្រុងភ្នំពេញ និងនៅតាមទីរួមខេត្តសំខាន់ៗមួយចំនួនទៀត។

ការបើកសំម្ពោធសាលារៀនសុវណ្ណភូមិ ទីតាំងខេត្តបាត់ដំបង


កាលពីព្រឹកថ្ងៃទី៣ ខែកក្កដាឆ្នាំ២០១១ សាលារៀនសុវណ្ណភូមិ ទីតាំងខេត្តបាត់ដំបង បានបើក សំម្ពោធ ដាក់អោយប្រើប្រាស់ជាផ្លូវការ នូវអគារសិក្សារបស់ខ្លួនដែលមានទីតាំង ស្ថិតនៅក្រុមទី២៤ ភូមិព្រែក មហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ក្រោមការអញ្ជើញពី៖
លោក ជា ធីឡាយ អគ្គនាយក អ៊ិន ធី ស៊ីគ្រុប
លោក ឃឹម ផុន នាយកប្រតិបត្តិ នៃអ៊ិន ធី ស៊ីគ្រុប
លោក នី សែត ប្រធានមន្ទីអប់រំ យុវជន និងកីឡាខេត្តបាត់ដំបង
និងថ្នាក់ដឹកនាំ សាលារៀនសុវណ្ណភូមិទាំង ៦ទីតាំង លោកគ្រូ អ្នកគ្រូ និងអាណាព្យាបាលសិស្ស និងសិស្សានុសិស្សទាំងអស់។
សាលារៀនសុវណ្ណភូមិមាន ៦ទីតាំង ៤ទីតាំងក្នុរាជធានីភ្នំពេញ មួយទីតាំងនៅក្នុងក្រុងតាខ្មៅ និងមួយទីតាំងទៀតនៅក្នុងក្រុងបាត់ដំបង ដែលបណ្តុះបណ្តាលថ្នាក់ចំណេះទូទៅខ្មែរ ពីថ្នាក់មត្តេយ្យ ដល់ទី១២ និងភាសាអង់គ្លេសទូទៅគ្រប់កំរិត។
ក្នុងឱកាស់នោះដែរលោក ឃឹម ផុន នាយកប្រតិបត្តិ នៃអ៊ិន ធី ស៊ីគ្រុប បានថ្លែងសុន្ទរកថា ថា៖
សាលារៀនសុវណ្ណភូមិ គឺជាស្ថាប័នអប់រំមួយ ក្នុងចំណោមស្ថាប័នអប់រំផ្សេងទៀត របស់អ៊ិន ធី ស៊ីគ្រុប ដែលបានបង្កើតឡើងនៅខែកក្កដា​ឆ្នាំ២០០៩ មានទីតាំងសរុប៦កន្លែង ដោយមាន៤ទីតាំងនៅក្នុង ទីក្រុងភ្នំពេញ និងមួយទីតាំងនៅក្រុងតាខ្មៅខេត្តកណ្តាល និងមួយទីតាំងទៀតនៅក្រុងបាត់ដំបង ខេត្តបាត់ដំបង។ សាលារៀនសុវណ្ណភូមិ មានចក្ខុវស័យ ផ្តល់សេវាអប់រំផ្នែកចំណេះទូទៅខ្មែរ និង ភាសារអង់គ្លេសប្រកបដោយគុណភាពខ្ពស់ ជូនដល់សិស្សានុសិស្សគ្រប់មជ្ឈដ្ឋានទាំងអស់ក្រោម កិច្ចសហប្រត្តិបត្តិការជាមួយក្រសួងអប់រំ យុវជន និងកីឡា ដើម្បីរួមចំណែកក្នុងការ អភិវឌ្ឍន៍ ធនធានមនុស្សនៅក្នុងព្រះរាជាណាចក្រកម្ពុជា។
ដើម្បីសំរេចអោយបាននូវចក្ខុវិស័យខាងលើ សាលារៀនសុវណ្ណភូមិមានបេសកកម្មរបស់ខ្លួន ចំនួន៤ដូចខាងក្រោម៖
១. ផ្តល់ជូននូវកម្មវិធីសិក្សាដែលមានគុណភាព ធ្វើយ៉ាងណាដើម្បីអោយសិស្សមានការអភិវឌ្ឍន៍ លើផ្នែក រាងកាយ បញ្ញា ស្មារតី សីលធម៌។
២. ផ្តលជូននូវគ្រូបង្រៀនដែលមានបទពិសោធន៍ និងជំនាញច្បាស់លាស់ ដែលអាចធ្វើអោយ សិស្សមានការរីកចំរើនទៅលើការសិក្សានៅក្នុងថ្នាក់រៀន និងសកម្មភាពផ្សេងៗទៀត។
៣. ផ្តលជូននូវបរិយាកាសល្អក្នុងការសិក្សា សិស្សានុសិស្សទាំអស់ត្រូវបានជំរុញ និងលើកទឹកចិត្ត នូវរាល់សមិទ្ធិផល និងស្នាដៃផ្សេងៗដែលពួកគេបានសំរេចបាន ជាពិសេស នោលើសុវត្ថិភាព សន្តិសុខ និងអនាម័យ របស់ពួកគេផ្ទាល់។
៤. ផ្តល់ជូននូវសំភារៈឧបន្ទេសគ្រប់គ្រាន់ សំភារៈឧបន្ទេសទាំងអស់ ត្រូវបានធានាអោយមាន នៅតាមកំរិតសិក្សានិមួយៗ ធ្វើយ៉ាងណាដើម្បីអោយការសិក្សាមានការរីកចំរើនជានិច្ច៕