៩ឆ្នាំនៃភាពជោគជ័យរបស់សាលារៀនសុវណ្ណភូមិ វគ្គទី២

លោក ឃឹម ផុន ប្រធាននាយកប្រតិបត្តិសាលារៀនសុវណ្ណភូមិ បានបង្ហាញអំពីភាពជោគជ័យក្នុងរយៈពេល៩ឆ្នាំរបស់សាលារៀនសុវណ្ណភូមិ វគ្គទី២

៩ឆ្នាំនៃភាពជោគជ័យរបស់សាលារៀនសុវណ្ណភូមិ វគ្គទី១

លោក ឃឹម ផុន ប្រធាននាយកប្រតិបត្តិសាលារៀនសុវណ្ណភូមិ បានបង្ហាញអំពីភាពជោគជ័យក្នុងរយៈពេល៩ឆ្នាំរបស់សាលារៀនសុវណ្ណភូមិ វគ្គទី១

កម្មវិធីបើកបវេសនកាលឆ្នាំសិក្សា ២០១៧-២០១៨ នៃសាលារៀនសុវណ្ណភូមិទាំង២៥ទីតាំង



សុន្ទរកថា
លោក ឃឹម ផុន ប្រធាននាយកប្រតិបត្តិស្ថាប័នអប់រំ អ៊ិន ធី ស៊ី គ្រុប
កម្មវិធីបើកបវេសនកាលឆ្នាំសិក្សា ២០១៧-២០១៨ នៃសាលារៀនសុវណ្ណភូមិទាំង២៥ទីតាំង
ថ្ងៃទី២៧ ខែតុលា ឆ្នាំ២០១៧

សូមគោរព!
·      លោកឧកញ៉ា ជា ធីឡាយ អគ្គនាយកអ៊ិនធីស៊ីគ្រុប និងលោកជំទាវ ជាទីគោរព
·      ឯកឧត្តម លោកជំទាវ អស់លោក លោកស្រីដែលជាមាតាបិតាសិស្ស ជាទីគោរព
·      ឯកឧត្តម លោកជំទាវ អស់លោក លោកស្រីដែលជាដៃគូសហប្រតិបត្តិការជាតិ-អន្តរជាតិ
·      ថ្នាក់ដឹកនាំគ្រប់សេវាកម្មអប់រំរបស់ អ៊ិនធីស៊ីគ្រុប ទូទាំងរាជធានី-ខេត្ត
·      លោកគ្រូ-អ្នកគ្រូ និងបុគ្គលិកផ្នែក ព្រមទាំងប្អូនៗសិស្សានុសិស្សទាំងអស់ដែលមានវត្តមាននៅទីនេះជាទីស្រលាញ់រាប់អាន។

នេះគឺជាឆ្នាំទី៩ហើយ ដែលសាលារៀនសុវណ្ណភូមិ បានរៀបចំពិធីបើកបវេសនកាលឆ្នាំសិក្សាថ្មីជារៀងរាល់ឆ្នាំ ក្នុងគោលបំណងដើម្បីផ្សព្វផ្សាយព័ត៌មាន ស្តីអំពីការសិក្សាជូនដល់មាតាបិតានិងអាណាព្យាបាលសិស្សគ្រប់រូប ដែលមានកូនគ្រប់អាយុ ត្រូវចូលសាលាក្នុងកម្រិតមត្តេយ្យ និងកម្រិតបឋមសិក្សា។

ការបញ្ជូនកូនទៅសាលាអោយត្រូវទៅតាមអាយុ គឺជាចំណុចចាប់ផ្តើមមួយដ៏ត្រឹមត្រូវនិងប្រសើរបំផុតដើម្បីអោយបុត្រធីតា របស់អស់លោក លោក-ស្រី មានមូលដ្ឋានគ្រឹះរឹងមាំក្នុងការចាប់យកនូវចំណេះដឹងពីលោកគ្រូ-អ្នកគ្រូ ការផ្សាំខ្លួនជាមួយមិត្តភ័ក្រ និងការចេះបត់បែនទៅតាមបរិយាកាសទូទៅនៅក្នុងសាលារៀន ជាពិសេសដើម្បីជាទុនដ៏រឹងមាំសម្រាប់ពួកគាត់ បន្តការសិក្សាក្នុងកម្រិតមធ្យមសិក្សា និងកម្រិតឧត្តមសិក្សានាពេលអនាគត។
ការចូលរួមគាំទ្រ និងផ្តល់ទំនុកចិត្តពីសំណាក់ ឯកឧត្តម លោកជំទាវ អស់លោក លោក-ស្រីក្នុង  រយៈពេល៩ឆ្នាំមកនេះ គឺជាកម្លាំងជំរុញដ៏សំខាន់ ធ្វើឱ្យសាលារៀនសុវណ្ណភូមិ ពង្រឹង​នូវការយកចិត្តទុកដាក់បន្ថែមទៀត ទៅលើគុណភាពអប់រំ តាមរយៈការអភិវឌ្ឍសមត្ថភាពគ្រូបង្រៀន ការធ្វើទំនើបកម្មកម្មវិធីសិក្សា និងការពង្រីកទំនាក់ទំនងជាតិនិងអន្តរជាតិ ដើម្បីបង្កើតនូវយន្តការសំខាន់ៗសំរាប់ជួយគាំទ្រដល់ការបង្រៀនរបស់គ្រូ និងការរៀនរបស់សិស្ស ក្រោមកិច្ចសហប្រតិបត្តិការជាមួយក្រសួងអប់រំយុវជននិងកីឡា ដើម្បីរួមចំណែកក្នុងការបណ្តុះបណ្តាលធនធានមនុស្សនៅកម្ពុជា។

គណៈអធិបតី និងភ្ញៀវកិត្តិយសទាំងអស់ជាទីគោរព!
ឆ្លៀតក្នុងឪកាសដ៏មានតំលៃនេះ ‌‌‌ខ្ញុំសូមអនុញ្ញាតបង្ហាញជូនអង្គពិធីទាំងមូលនូវភាពរីកចំរើន និងប្រវត្តិសង្ខេបរបស់សាលារៀនសុវណ្ណភូមិ៖ សាលារៀនសុវណ្ណភូមិ គឺជាសាលាចំណេះទូទៅឯកជនមួយ​ក្នុងចំណោមសាលា​ចំណេះ​ទូទៅ​ឯកជន​ផ្សេង​ទៀត របស់ស្ថាប័នអប់រំ អ៊ិន ធី ស៊ី គ្រុប ដែលបានបង្កើតឡើង​នៅក្នុង​​ខែកក្កដា ឆ្នាំ២០០៩ ក្រោម​គំនិត​ផ្តួចផ្តើមរបស់លោកឧកញ៉ា ជា ធីឡាយ       អគ្គនាយក​​ អ៊ិន ធី ស៊ី​ គ្រុប និងលោកជំទាវ។

លក្ខណៈ​​ពិសេសរបស់សាលារៀនសុវណ្ណភូ​មិរួមមាន៖ អគារសិក្សាផ្ទាល់ខ្លួនដែលសង់តម្រូវទៅតាមស្តង់ដារសាលារៀន កម្មវិធីសិក្សាមានការ​ទទួលស្គាល់​ពីក្រសួងអប់រំយុវជន​និង​កីឡា​ លោកគ្រូ-អ្នកគ្រូមានបទពិសោធន៏ និងជំនាញច្បាស់លាស់ក្នុងការបង្រៀនច្រើនឆ្នាំ សម្ភារ​ឧបទ្ទេសគ្រប់គ្រាន់ទៅ​តាម​​កំរិតសិក្សានិមួយៗ​ បរិយាកាសក្នុង​ការ​សិក្សាមានការប្រកួត​ប្រជែង និង​មាន​ទីធ្លា​សាលា​ធំទូលាយដើម្បីធានាបាន​នូវ​​គុណភាព និងសុវត្ថិភាពជូនដល់​សិស្សានុសិស្ស ជាពិសេសមានដៃគូ សហប្រតិបត្តិការជាតិ និងអន្តរជាតិ ចាំផ្តល់អាហារូបករណ៍ជូនដល់ប្អូនៗប្រឡងជាប់មធ្យមសិក្សាទុតិយភូមិដើម្បីបន្តការសិក្សាកំរិតឧត្តម ជាមួយសកលវិទ្យាល័យធំៗនៅក្នុងស្រុកដូចជា៖
1.    សកលវិទ្យាល័យ Zaman
2.    សកលវិទ្យាល័យ Limkokwing
3.    វិទ្យាស្ថានពាណិជ្ជសាស្រ្ត Acleda

ក្រៅពីនេះសាលារៀនសុវណ្ណភូមិ បានចាប់ដៃគូជាមួយសកលវិទ្យាល័យអន្តជាតិ នៅតាមបណ្តាប្រទេសមួយចំនួនដូចជា៖
1.    ព្រះរាជាណាចក្រថៃ
2.    ប្រទេសវៀតណាម
3.    ប្រទេសសិង្ហបុរី
4.    ប្រទេសម៉ាឡេស៊ី
5.    ប្រទេសអូស្រ្តាលី
6.    ប្រទេសណូវែលសេឡង់
7.    សហរដ្ឋអាមេរិក

យោងតាមរបាយការណ៍ ក្នុងរយៈពេល៥ឆ្នាំចុងក្រោយនេះ បានបង្ហាញពីការកើនឡើងជាលំដាប់នៃចំនួនសិស្សក្នុងកម្មវិធីចំណេះទូទៅខ្មែរ នៃសាលារៀនសុវណ្ណភូមិទូទាំងរាជធានី-ខេត្ត៖
1.    ឆ្នាំសិក្សា ២០១៣-២០១៤        សិស្សសរុប ៦៥០៩ នាក់
2.    ឆ្នាំសិក្សា ២០១៤-២០១៥         សិស្សសរុប ៧៩៦៥ នាក់
3.    ឆ្នាំសិក្សា ២០១៥-២០១៦         សិស្សសរុប ៩២៦៥ នាក់
4.    ឆ្នាំសិក្សា ២០១៦-២០១៧        សិស្សសរុប ៩៣៧៣ នាក់
5.    ឆ្នាំសិក្សា ២០១៧-២០១៨        សិស្សសរុប ១១៨៨៣ នាក់

ដោយឡែកសំរាប់សិស្សនិន្ទេស A តាមឆ្នាំសិក្សានីមួយៗមានដូចជា៖
1.     ឆ្នាំសិក្សា ២០១៣-២០១៤ សិស្សនិទ្ទេស A សូន្យនាក់
2.     ឆ្នាំសិក្សា ២០១៤-២០១៥ សិស្សនិទ្ទេស A ០១ នាក់
3.     ឆ្នាំសិក្សា ២០១៥-២០១៦ សិស្សនិទ្ទេស A ០៧ នាក់
4.     ឆ្នាំសិក្សា ២០១៦-២០១៧ សិស្សនិទ្ទេស A ០៦ នាក់

សម្រាប់ឆ្នាំសិក្សា២០១៥-២០១៦៖
1.  សិស្សប្រឡងជាប់បឋមភូមិមានចំនួនសរុប ៥៦៧នាក់ ស្មើ៩៤ភាគរយ ក្នុងនោះមាននិទ្ទេសល្អ៧៨នាក់ និង ល្អបង្គួរ២៣៦នាក់។
2.    សិស្សប្រឡងជាប់មធ្យមសិក្សាទុតិយភូមិ មានចំនួនសរុប ១៩៥នាក់ ស្មើ៧៧ភាគរយ ក្នុងនោះមានសិស្សទទួលបាននិទ្ទេស A ចំនួន៧នាក់ និងនិទ្ទេស B ចំនួន១៩នាក់។

សម្រាប់ឆ្នាំសិក្សា២០១៦-២០១៧៖
1.    សិស្សប្រឡងជាប់បឋមភូមិ មានចំនួនសរុប ៧២៦នាក់ ស្មើ ៩៦ភាគរយ ក្នុងនោះមាននិទ្ទេសល្អ១៤១នាក់ និង ល្អបង្គួរ២៩៣នាក់។
2.    សិស្សប្រឡងជាប់មធ្យមសិក្សាទុតិយភូមិ មានចំនួនសរុប ២៧៧នាក់ ស្មើ៦៧ភាគរយ ក្នុងនោះមានសិស្សទទួលបាននិទ្ទេស A ចំនួន៦នាក់ និងនិទ្ទេស B ចំនួន១៤នាក់។

អង្គពិធីទាំងមូលជាទីគោរព!
យោងតាមរបាយការណ៍ខាងលើនេះ សាលារៀនសុវណ្ណភូមិចាំបាច់ត្រូវធ្វើទំនើបកម្មកម្មវិធីសិក្សា​ផ្នែកចំណេះទូទៅខ្មែរ បណ្តុះបណ្តាលសម្ថភាពគ្រូបង្រៀនបន្ថែម អភិវឌ្ឍន៍សមត្ថភាព​ថ្នាក់ដឹកនាំ និងបង្កើន​បរិយាកាសក្នុងការសិក្សាឱ្យមានការប្រកួតប្រជែងបន្ថែមទៀត ដើម្បីជំរុញអោយមានភាព​រីកចំរើន​ក្នុងការ​សិក្សារបស់សិស្ស​ ​និងសម្រេចឱ្យបានទៅតាមគោលដៅដែលបានគ្រោងទុកក្នុងឆ្នាំសិក្សា២០១៧-២០១៨នេះ។​​

សាលារៀនសុវណ្ណភូមិបានប្រកាន់ភ្ជាប់នូវចក្ខុវិស័យ ផ្តល់សេវាអប់រំប្រកបដោយគុណភាព ជូនដល់ សិស្សានុសិស្សគ្រប់មជ្ឈដ្ឋានទាំងផ្នែកចំណេះទូទៅខ្មែរចាប់ពីកំរិត​មត្តេយ្យ​សិក្សារហូតដល់​វិទ្យាល័យ និងភាសាអង់គ្លេសទូទៅចាប់ពីមត្តេយ្យរហូតដល់មធ្យមសិក្សា។​
សាលារៀនសុវណ្ណភូមិបេសកកម្មសំខាន់ៗចំនួន៤គឺ៖
-ផ្តល់ជូននូវកម្មវិធីសិក្សាដែលមានគុណភាព
-ផ្តល់ជូននូវគ្រូបង្រៀនដែលមានបទពិសោធន៍ និងជំនាញច្បាស់លាស់
-ផ្តល់ជូននូវសំភារៈឧបទ្ទេសគ្រប់គ្រាន់
-ផ្តល់ជូននូវបរិយាកាសល្អក្នុងការសិក្សា
ជាលទ្ឋផលត្រឹមឆ្នាំសិក្សា២០១៦-២០១៧កន្លងមកនេះ សាលារៀនសុវណ្ណភូមិបានពង្រីក   ទីតាំងសរុបចំនួន២៥កន្លែងទូទាំងប្រទេស ដោយមាន១៥ទីតាំងនៅរាជធានីភ្នំពេញ និង១០ទីតាំងទៀតនៅតាមបណ្តាខេត្តសំខាន់ៗដូចជាៈ នៅក្រុងតាខ្មៅខេត្តកណ្តាលចំនួន២ទីតាំង នៅទីរួមខេត្តតាកែវចំនួន១ទីតាំង នៅខេត្តព្រះសីហនុចំនួន១ទីតាំង នៅខេត្តបាត់ដំបងចំនួន១ទីតាំង នៅខេត្តបន្ទាយមានជ័យចំនួន១ទីតាំង នៅក្រុងប៉ោយប៉ែតចំនួន២ទីតាំង និងនៅខេត្តសៀមរាបចំនួន២       ទីតាំង។ ហើយបានប្រមូលសិស្សអោយចូលសិក្សាសរុបមានចំនួន ៣០,៤៤៤នាក់ និងបុគ្គលិកសរុប ២,០៤៥នាក់។

ឯកឧត្តម លោកជំទាវ អស់លោក លោកស្រី និងភ្ញៀវកិត្តិយសទាំងអស់!
ជំនួសមុខឱ្យលោកឧកញ៉ា ជា ធីឡាយ អគ្គនាយកស្ថាប័នអប់រំ អ៊ិន ធី ស៊ី គ្រុប និងលោកជំទាវ ព្រមទាំងថ្នាក់ដឹកនាំគ្រប់លំដាប់ថា្នក់ លោកគ្រូ អ្នកគ្រូ និងបុគ្គលិកគ្រប់ផ្នែក សូមធ្វើការប្តាជ្ញាចិត្តយ៉ាងមុតមាំ ក្នុងការជួយសិស្សានុសិស្សទាំងអស់ ឱ្យទទួលបានភាពជោគជ័យក្នុងការសិក្សាទាំងកម្រិតមត្តេយ្យ-បឋម-អនុវិទ្យាល័យ-វិទ្យាល័យ ក្នុងឆ្នាំសិក្សា២០១៧-២០១៨នេះ និងជាបន្តបន្ទាប់។

ជាទីបញ្ចប់ ជួសមុខអោយគណៈគ្រប់គ្រងសាលារៀនសុវណ្ណភូមិ សូមថ្លែងអំណរគុណ ចំពោះគណៈអធិបតី ឯកឧត្តម លោកជំទាវ អស់លោក លោក-ស្រីជាមាតាបិតា និងអាណាព្យាបាលសិស្ស ដៃគូសហប្រតិបត្តិការជាតិ-អន្តរជាតិ ដែលបានចំណាយពេលវេលាដ៏មានតំលៃអញ្ជើញចូលរួមក្នុងពិធីបើកបវេសនកាល ឆ្នាំសិក្សាថ្មី២០១៧-២០១៨ របស់សាលារៀនសុវណ្ណភូមិនាពេលនេះ និងសូមប្រសិទ្ធិពរជ័យជូនចំពោះគណៈអធិបតី ឯកឧត្តម លោកជំទាវ អស់លោក លោកស្រី      ថ្នាក់ដឹកនាំ លោកគ្រូ-អ្នកគ្រូ និងបុគ្គលិកគ្រប់ផ្នែកទាំងអស់ ព្រមទាំងប្អូនៗសិស្សានុសិស្សឱ្យជួប    ប្រទៈតែពុទ្ធិពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមអោយប្អូនៗសិស្សានុសិស្សទាំងអស់ ខិតខំប្រឹងប្រែងរៀនសូត្រអោយក្លាយទៅជាកូនល្អ សិស្សល្អ និងពលរដ្ឋល្អនៅក្នុងសង្គម និងទទួលបាននិទ្ទេស A និង B ទាំងអស់គ្នាក្នុងឆ្នាំសិក្សា២០១៧-២០១៨នេះ៕


សូមអរគុណ!

វិធីសាស្រ្តក្នុងការកំណត់អាទិភាពការងារ

ដើម្បីជៀសវាងការធ្វើការងារច្រើន ប៉ុន្តែមិនទទួលបានលទ្ធផលដូចដែលបានគ្រោងទុក អ្នកចាំបាច់ត្រូវដឹងអំពីវិធីសាស្រ្តក្នុងការកំណត់អាទិភាពការងារប្រចាំថ្ងៃដូចខាងក្រោម៖
  1. ប្រភេទការងារ «សំខាន់ និងបន្ទាន់» Important and Urgent អាទិភាពទី១ ត្រូវធ្វើមុនគេ
  2. ប្រភេទការងារ «សំខាន់ ប៉ុន្តែមិនបន្ទាន់» Important, but Not Urgent អាទិភាពទី២ ត្រូវធ្វើបន្ទាប់
  3. ប្រភេទការងារ «បន្ទាន់ ប៉ុន្តែមិនសំខាន់» Urgent, but Not Important អាទិភាពទី៣ ត្រូវធ្វើបន្ទាប់មកទៀត
  4. ប្រភេទការងារ «មិនបន្ទាន់ និងមិនសំខាន់» Not Urgent and Not Important អាទិភាពទី៤ ត្រូវធ្វើចុងក្រោយគេ
  • ការងារសំខាន់៖ គឺជាប្រភេទការងារដែលមានផលប៉ះពាល់ខ្លាំង (High Impacts) ប្រសិនបើអ្នកមិនបានយកវាមកអនុវត្តមុនគេ។ 
  • ការងារបន្ទាន់៖ គឺជាប្រភេទការងារដែលមានពេលវេលាកំណត់ច្បាស់លាស់ (Deadline) ដែលតម្រូវឱ្យអ្នកយកមកធ្វើជាបន្ទាន់។
ក្រោយពីបានកំណត់អាទិភាពការងារនិមួយៗរួចហើយ អ្នកចាំបាច់ត្រូវយកការងារទាំងនោះមករៀបចំនៅក្នុងតារាងការងារប្រចាំថ្ងៃ (To Do List) ដោយបង្ហាញអំពីសកម្មភាពការងារ ពេលវេលានិងទីកន្លែងដែលត្រូវអនុវត្ត និងអ្នកទទួលបន្ទុកក្នុងការអនុវត្តឱ្យបានច្បាស់លាស់។ ប្រភេទការងារដែលមិនបានគ្រោងទុកអាចកើតមានគ្រប់ពេលវេលា ដូច្នេះអ្នកត្រូវចេះលៃពេលវេលាទុកខ្លះក្នុងមួយថ្ងៃៗដើម្បីធ្វើការងារដែលអាចកើតឡើងដោយមិនបានគ្រោងទុកនេះ។ 

ចូរចងចាំថា៖ អ្នកត្រូវរៀបចំផែនការការងារ បន្ទាប់មកត្រូវអនុវត្តផែនការនោះ (Plan your work, then work your plan)។ ការរៀបចំផែនការការងារល្អ មិនប្រាកដថាអាចទទួលបានភាពជោគជ័យ ប្រសិនបើអ្នកមិនបានយកវាមកអនុវត្តឱ្យបានត្រឹមត្រូវ។ 
ឧទាហរណ៍៖ នៅក្នុងគម្រោងការងារប្រចាំខែរបស់អ្នកបានបង្ហាញថា អ្នកត្រូវអនុវត្តផែនការសកម្មភាពទី១ នៅដើមខែតុលា ឆ្នាំ២០១៧ ប៉ុន្តែអ្នកបែរជាអនុវត្តផែនការសកម្មភាពទី២ទៅវិញ ត្រង់ចំណុចនេះមានន័យថាអ្នកមិនបានធ្វើទៅតាមគម្រោងការងារដែលបានគ្រោងទុកឡើយ។ 

ប្រភព៖ ឃឹម ផុន

តើហេតុអ្វីពាក្យថា «ពេក» គឺជាបញ្ហា?

  1. មានពេក៖ អាចមានការព្រួយបារម្ភក្នុងការគ្រប់គ្រង និងចាត់ចែងទ្រព្យសម្បត្តិ
  2. ក្រពេក៖ អាចមានការព្រួយបារម្ភអំពីខ្សែជីវិតតើទៅថ្ងៃខាងមុខរស់ដោយរបៀបណា?
  3. ចេះពេក៖ អាចមិនសូវមានអ្នកហ៊ានផ្តល់យោបល់
  4. ល្ងង់ពេក៖ អាចមិនសូវមានអ្នកផ្តល់តម្លៃ
  5. សប្បាយពេក៖ អាចភ្លេចខ្លួន
  6. កើតទុក្ខពេក៖ អាចនាំឱ្យមានបញ្ហាសុខភាព
  7. ធូរលុងពេក៖ អាចមិនសូវមានសណ្តាប់ធ្នាប់
  8. តឹងរឹងពេក៖ អាចមិនសូវមានអ្នកចង់នៅក្បែរ 
  9. ស្រឡាញ់ពេក៖ អាចឈឺចាប់
  10. ប្រចណ្ឌពេក៖ អាចបាត់បង់
  11. លោភលន់ពេក៖ អាចដើរផ្លូវខុស
  12. ទុកចិត្តពេក៖ អាចគ្រោះថ្នាក់
ដើម្បីលុបបំបាត់នូវពាក្យថា «ពេក» អ្នកត្រូវចេះប្រមាណខ្លួន ត្រូវចេះស្កប់ស្កល់ និងត្រូវធ្វើឱ្យខ្លួនរបស់អ្នកមានតុល្យភាពឡើងវិញ។ 

ប្រភព៖ ឃឹម ផុន


ផ្តើមពីកុមារកំព្រារហូតក្លាយជាប្រធាននាយកប្រតិបត្តិស្ថាប័នអប់រំដ៏ល្បីនៅកម្ពុជា

លោក ឃឹម ផុន បង្ហាញអំពីមូលហេតុដែលនាំឱ្យសាលារៀនសុវណ្ណភូមិទទួលបានភាពជោគជ័យ

តើហេតុអ្វីបានជាអ្នកបរាជ័យពេលសម្ភាសការងារ?

ពេលធ្វើបទសម្ភាសការងារ អ្នកសម្ភាសតែងតែចង់ដឹងអំពីសមត្ថភាពពិតប្រាកដរបស់បេក្ខជន ដោយចាប់ផ្តើមនូវសំណួរពាក់ព័ន្ធសំខាន់ៗជាច្រើន ដើម្បីរកឱ្យឃើញនូវចំណុចខ្លាំង និងចំណុចខ្សោយរបស់បេក្ខជនម្នាក់ៗ។ ប្រមាណជាង១០ឆ្នាំនេះ ខ្ញុំត្រូវបានអញ្ជើញឱ្យចូលរួមក្នុងគណៈកម្មាធិការជ្រើសរើសបុគ្គលិកជាប្រចាំ ហើយមានសំណួរមួយដែលខ្ញុំតែងតែសួរទៅកាន់បេក្ខជនភាគច្រើនគឺ "ប្រសិនបើស្ថាប័នប្រគល់ឱកាសនេះជូនអ្នក តើ់អ្នកអាចចូលរួមអភិវឌ្ឍស្ថាប័នយ៉ាងដូចម្តេច?"

ក្នុងនាមជាបេក្ខជន ក្រោយពេលទទួលបានសំណួរមួយនេះហើយ អ្នកត្រូវព្យាយាមឆ្លើយយ៉ាងណាដើម្បីឱ្យអ្នកសម្ភាសអាចជឿទុកចិត្តលើអ្នកបាន តាមរយៈការបង្ហាញនូវភាពមឹងម៉ាត់ មានទំនុកចិត្តលើខ្លួនឯង និងមានសេចក្តីសប្បាយរីករាយក្នុងការទទួលយកឱកាសនេះ។ ឧទាហរណ៍៖ ប្រសិនបើស្ថាប័នផ្តល់ឱកាសនេះជូនខ្ញុំ ខ្ញុំមានសមត្ថភាពគ្រប់គ្រាន់ក្នុងការចូលរួមអភិវឌ្ឍជាមួយស្ថាប័នដូចជាទី១..... ទី២..... ទី៣.....។ល។ 
បេក្ខជនមិនអាចឆ្លើយថា៖ 
១. ខ្ញុំមិនធ្លាប់មានបទពិសោធន៍នេះពីមុនមកផង 
២. ខ្ញុំត្រូវការពេលវេលាដើម្បីស្វែងយល់និងរៀនសូត្របន្ថែមពីស្ថាប័ន 
៣. ខ្ញុំសង្ឃឹមថាស្ថាប័ននឹងបង្ហាត់បង្ហាញខ្ញុំពេលចូលធ្វើការ 
៤. ខ្ញុំមិនទាន់បានគិតច្បាស់លាស់ថាតួនាទីនេះត្រូវធ្វើអ្វីខ្លះផង
៥. ខ្ញុំទុកឱ្យស្ថាប័នជាអ្នកចាត់ចែង ចង់ឱ្យខ្ញុំធ្វើអ្វីខ្ញុំធ្វើតាមទាំងអស់

បេក្ខជនទាំងអស់ចូរចងចាំថា ចំលើយទាំង៥ខាងលើនេះពិតជាមិនអាចធ្វើឱ្យគណៈកម្មាធិការសម្ភាសមានទំនុកចិត្តលើអ្នកបានឡើយ ភាពទន់ជ្រាយ ភាពគ្មានទំនុកចិត្តលើខ្លួនឯង និងការមិនបានត្រៀមខ្លួនទុកជាមុនរបស់អ្នក គឺប្រាកដជានាំអ្នកទៅរកភាពបរាជ័យជាក់ជាពុំខាន។ គ្មានហេតុផលណាមួយដែលអ្នកត្រូវឆ្លើយនៅចំនុចទាំង៥ខាងលើនេះទេ ប្រសិនបើអ្នកបានត្រៀមខ្លួនរួចរាល់ និងស្វែងយល់គ្រប់ជ្រុងជ្រោយអំពីប្រវត្តិនៃស្ថាប័ន ទំនួលខុសត្រូវក្នុងមុខតំណែងដែលអ្នកកំពុងសម្ភាស និងបង្ហាញអំពីភាពឆ្លាតវាងវៃរបស់អ្នក៕


៥ ជំហានក្នុងការកំណត់គោលដៅ

  1. ត្រូវកំណត់នូវតម្រូវការឱ្យបានច្បាស់លាស់ (determine needs)
  2. ត្រូវបង្កើតគោលដៅជាក់លាក់ (create specific goals)
  3. ត្រូវរៀបចំ និងអនុវត្តផែនការយុទ្ធសាស្រ្តដើម្បីសម្រេចគោលដៅ (create and implement strategies)
  4. ត្រូវធ្វើការត្រួតពិនិត្យដំណើរការអនុវត្តផែនការយុទ្ធសាស្រ្ត (monitor the progress)
  5. ត្រូវបញ្ជាក់ឱ្យបានច្បាស់ថាតើគោលដៅបានសម្រេចរឺយ៉ាងណា (determine whether the goals are achieved)
ក្តីសង្ឃឹម (hope) មិនមែនជាសកម្មភាពយុទ្ធសាស្រ្តដែលអ្នកត្រូវអនុវត្តដើម្បីសម្រេចគោលដៅឡើយ ដោយឡែកក្តីសុបិន (dream) វាក៏មិនមែនជាគោលដៅដែលអ្នកបានកំណត់ដែរ ដោយសារតែក្តីសុបិនវាពុំមានសកម្មភាពដើម្បីបង្ហាញផ្លូវអ្នកដើរទៅរកគោលដៅពិតប្រាកដទេ។ ដូច្នេះគោលដៅ (goals) តម្រូវឱ្យអ្នកមានក្តីសុបិន បូកជាមួយផែនការសកម្មភាព (action steps) បូកជាមួយការកំណត់ពេលវេលាច្បាស់លាស់ (target date) ទើបធ្វើឱ្យអ្នកអាចសម្រេចគោលដៅបានដូចបំណង។

Educational Conference, Singapore 2016

តើបុគ្គលិកប្រភេទណាដែលអាចទទួលបានទំនុកចិត្តពីប្រធានរឺមេផ្ទាល់?

  1. ប្រភេទបុគ្គលិកមានភាពស្មោះត្រង់ ភាពអត់ធ្មត់ មិនអួតក្អេងក្អាង និងមានផែនការជីវិតច្បាស់លាស់
  2. ប្រភេទបុគ្គលិកដែលមិនចូលចិត្តរត់ចោលបញ្ហា និងព្យាយាមផ្តល់ដំណោះស្រាយដ៏ប្រសើរជូនប្រធាន
  3. ប្រភេទបុគ្គលិកដែលមានឆន្ទះខ្ពស់ក្នុងការបំពេញការងារ និងជាប្រភេទមនុស្សយកការងារជាធំ
  4. ប្រភេទបុគ្គលិកមិនឆ្លៀតឱកាស មិនបង្កើតបក្សពួក និងមិនមានចេតនាដាក់សម្ពាធទៅលើប្រធាន
  5. ប្រភេទបុគ្គលិកមានការអភិវឌ្ឍន៍ខ្លួនជាបន្តបន្ទាប់ និងបង្កើតឱកាសការងារថ្មីៗជាមួយក្រុមហ៊ុនរឺស្ថាប័ន 
ជាទូទៅបុគ្គលិកម្នាក់ៗតម្រូវឱ្យមានចំណេះដឹង ជំនាញ និងសមត្ថភាព ដើម្បីទទួលបានឱកាសការងារផ្សេងៗ ប៉ុន្តែចំណុចសំខាន់ទាំងបីនេះនៅមិនទាន់ធានាបានថាអ្នកទទួលបានទំនុកចិត្តពីប្រធានរឺមេផ្ទាល់ឡើយ ដ៏រាបណាអ្នកមិនទាន់មានលក្ខណៈពិេសសទាំងប្រាំខាងលើ។

ប្រភព៖ ឃឹម ផុន

HIDA Training, Tokyo, Japan 2015

ភាពខុសគ្នារវាងការដឹកនាំ និងការគ្រប់គ្រង

  1. ការគ្រប់គ្រង (Management) មានឆន្ទះចង់ឱ្យមនុស្សល្អ ដោយព្យាយាមបង្កើតគោលការណ៍ច្បាស់លាស់ និតិវិធីក្នុងការបំពេញការងារ និងស្តង់ដាការងារ ដើម្បីឱ្យអ្នកអនុវត្តទាំងឡាយមានភាពងាយស្រួល និងច្បាស់លាស់ក្នុងការធ្វើការ និងទទួលបាននូវលទ្ធផលល្អប្រសើរទៀតផង។ 
  2. ការដឹកនាំ (Leadership) មានឆន្ទះចង់ឱ្យមនុស្សប្រឹងប្រែងបំពេញការងារ ដើម្បីសម្រេចទៅតាមគោលដៅដែលបានកំណត់ដូចមានចែងនៅក្នុងគោលការណ៍ និងស្តង់ដាការងាររបស់ស្ថាប័ននិមួយៗ។ 
  3. អ្នកដឹកនាំប្រភេទយកការងារជាធំ (Task Oriented) ច្រើនមានភាពខ្លាំងពូកែផ្នែកខាងគ្រប់គ្រងច្រើនជាងការដឹកនាំ ដោយផ្តោតសំខាន់ទៅលើលទ្ធផលការងារ និងភាពច្បាស់លាស់ក្នុងការធ្វើការ។ 
  4. អ្នកដឹកនាំប្រភេទយកមនុស្សជាធំ (People Oriented) ច្រើនមានភាពខ្លាំងពូកែក្នុងការដឹកនាំច្រើនជាងការគ្រប់គ្រង ដោយផ្តោតសំខាន់ទៅលើវិធីសាស្រ្តក្នុងការធ្វើអោយមនុស្សមានភាពសប្បាយរីករាយ និងចូលចិត្តស្វែងយល់ពីការចង់បានរបស់អ្នកដ៏ទៃ។ 
ថ្វីបើការគ្រប់គ្រង និងការដឹកនាំមានលក្ខណៈសម្បត្តិផ្សេងគ្នា ប៉ុន្តែអ្នកដឹកនាំម្នាក់ៗចាំបាច់ត្រូវមានទាំងពីរ (Leadership & Management) ដើម្បីដឹកនាំក្រុមហ៊ុន រឺស្ថាប័នមួយឱ្យទទួលបាននូវភាពជោគជ័យទាំងអតិថិជន បុគ្គលិក និងម្ចាស់អាជីវកម្ម។ 

ប្រភព៖ ឃឹម ផុន

Educational Conference, Manila, Philippines 2014

ភាពបរាជ័យអាចកើតមានចំពោះអ្នកប្រសិនបើអ្នកជាមនុស្ស៣ប្រភេទនេះ

  1. ប្រភេទមនុស្សដឹងច្រើន ប៉ុន្តែធ្វើតិច
  2. ប្រភេទមនុស្សចេះ ប៉ុន្តែមិនធ្វើ
  3. ប្រភេទមនុស្សធ្វើ លុះត្រាមានអ្នកចាំសរសើរ

One Tree Hill in Auckland, New Zealand, 2017