៥ ជំហានក្នុងការកំណត់គោលដៅ

ត្រូវកំណត់នូវតម្រូវការឱ្យបានច្បាស់លាស់ (determine needs)
ត្រូវបង្កើតគោលដៅជាក់លាក់ (create specific goals)
ត្រូវរៀបចំ និងអនុវត្តផែនការយុទ្ធសាស្រ្តដើម្បីសម្រេចគោលដៅ (create and implement strategies)
ត្រូវធ្វើការត្រួតពិនិត្យដំណើរការអនុវត្តផែនការយុទ្ធសាស្រ្ត (monitor the progress)
ត្រូវបញ្ជាក់ឱ្យបានច្បាស់ថាតើគោលដៅបានសម្រេចរឺយ៉ាងណា (determine whether the goals are achieved)

ក្តីសង្ឃឹម (hope) មិនមែនជាសកម្មភាពយុទ្ធសាស្រ្តដែលអ្នកត្រូវអនុវត្តដើម្បីសម្រេចគោលដៅឡើយ ដោយឡែកក្តីសុបិន (dream) វាក៏មិនមែនជាគោលដៅដែលអ្នកបានកំណត់ដែរ ដោយសារតែក្តីសុបិនវាពុំមានសកម្មភាពដើម្បីបង្ហាញផ្លូវអ្នកដើរទៅរកគោលដៅពិតប្រាកដទេ។ ដូច្នេះគោលដៅ (goals) តម្រូវឱ្យអ្នកមានក្តីសុបិន បូកជាមួយផែនការសកម្មភាព (action steps) បូកជាមួយការកំណត់ពេលវេលាច្បាស់លាស់ (target date) ទើបធ្វើឱ្យអ្នកអាចសម្រេចគោលដៅបានដូចបំណង។

Comments

សន្សឹមៗកុំបំបោល ក្រែងពុំដល់ដូចប្រាថ្នា

ពេលធ្វើបទសម្ភាសការងារ អ្នកសម្ភាសតែងតែចង់ដឹងអំពីសមត្ថភាពពិតប្រាកដរបស់បេក្ខជន ដោយចាប់ផ្តើមនូវសំណួរពាក់ព័ន្ធសំខាន់ៗជាច្រើន ដើម្បីរកឱ្យឃើញនូវចំណុចខ្លាំង និងចំណុចខ្សោយរបស់បេក្ខជនម្នាក់ៗ។ ខ្ញុំត្រូវបានអញ្ជើញឱ្យចូលរួមក្នុងគណៈកម្មាធិការជ្រើសរើសបុគ្គលិកជាប្រចាំ ហើយមានសំណួរមួយដែលខ្ញុំតែងតែសួរទៅកាន់បេក្ខជនភាគច្រើនគឺ "ប្រសិនបើស្ថាប័នប្រគល់ឱកាសនេះជូនអ្នក តើ់អ្នកអាចចូលរួមអភិវឌ្ឍស្ថាប័នយ៉ាងដូចម្តេច?"

ក្នុងនាមជាបេក្ខជន ក្រោយពេលទទួលបានសំណួរមួយនេះហើយ អ្នកត្រូវព្យាយាមឆ្លើយយ៉ាងណាដើម្បីឱ្យអ្នកសម្ភាសអាចជឿទុកចិត្តលើអ្នកបាន តាមរយៈការបង្ហាញនូវភាពមឹងម៉ាត់ មានទំនុកចិត្តលើខ្លួនឯង និងមានសេចក្តីសប្បាយរីករាយក្នុងការទទួលយកឱកាសនេះ។ ឧទាហរណ៍៖ ប្រសិនបើស្ថាប័នផ្តល់ឱកាសនេះជូនខ្ញុំ ខ្ញុំមានសមត្ថភាពគ្រប់គ្រាន់ក្នុងការចូលរួមអភិវឌ្ឍជាមួយស្ថាប័នដូចជាទី១..... ទី២..... ទី៣.....។ល។ បេក្ខជនមិនគួរឆ្លើយថា៖ ១. ខ្ញុំមិនធ្លាប់មានបទពិសោធន៍នេះពីមុនមកផង ២. ខ្ញុំត្រូវការពេលវេលាដើម្បីស្វែងយល់និងរៀនសូត្របន្ថែមពីស្ថាប័ន ៣. ខ្ញុំសង្ឃឹមថាស្ថាប័ននឹងបង្ហាត់បង្ហាញខ្ញុំពេលចូលធ្វើការ ៤. ខ្ញុំមិនទាន់បានគិតច្បាស់លាស់ថាតួនាទីនេះត្រូវធ្វើ…

អត្តបទទី២២២ ឆ្នាំទី៨ ទស្សនៈផ្ទាល់ខ្លួនក្នុងការដឹកនាំបុគ្គលិកក្រោមឱវាទ
ការងារជាអ្នកបង្រៀនមនុស្ស មនុស្សគឺជាអ្នកបង្កើតបញ្ហាហើយក៏ត្រូវតែជាអ្នកដោះស្រាយបញ្ហា ភាពបរាជ័យវាគឺជាមេរៀនដ៏ល្អ ភាពជោគជ័យគឺជាឱសថ ការដឹកនាំជួបបញ្ហាគឺជាឱកាសក្នុងការអភិវឌ្ឍន៍ខ្លួន ការដោះស្រាយតម្រូវការបុគ្គលិកគឺជាទំនួលខុសត្រូវរបស់អ្នកដឹកនាំ ការបំពេញតម្រូវការអតិថិជនគឺគោលដៅរបស់ស្ថាប័ន។ ក្នុងតួនាទីជាអ្នកដឹកនាំម្នាក់ ត្រូវយល់ឱ្យបានច្បាស់អំពីរបៀប/វិធីសាស្រ្តក្នុងការដឹកនាំ (leadership style) ដើម្បីជំរុញផលិតភាពការងារ និងធានាបាននិរន្តរភាពអាជីវកម្ម។
ជាទូទៅបុគ្គលិកត្រូវបានបែងចែកជាបួនប្រភេទធំៗ ហើយប្រភេទនិមួយៗត្រូវការរបៀបនៃការដឹកនាំផ្សេងៗគ្នា៖ ប្រភេទលេខ១៖ បុគ្គលិកហាត់រៀនការងារដំបូង (apprentice) ប្រភេទលេខ២៖ បុគ្គលិកកំពុងមានការអភិវឌ្ឍន៍ (developing) ប្រភេទលេខ៣៖ បុគ្គលិកមានជំនាញ (skilled) ប្រភេទលេខ៤៖ បុគ្គលិកឯកទេស (expert) តើអ្នកដឹកនាំត្រូវប្រើប្រាស់វិធីសាស្រ្តក្នុងការដឹកនាំបែបណា (leadership style)? របៀបនៃការដឹកនាំបែបចង្អុលបង្ហាញផ្ទាល់ (directing style)៖ ច្រើនប្រើជាមួយបុគ្គលិកប្រភេទលេខ១ (បុគ្គលិកហាត់រៀនការងារដំបូង) ដែលតម្រូវឱ្យអ្នកដឹកនាំត្…

អត្តបទទី២២១ ឆ្នាំទី៨ គំនិតគួរពិចារណា៖ តើកក្តាអ្វីខ្លះនាំឱ្យអ្នកក្លាហានគួនអុីទទួលបរាជ័យ? គួនអុីគឺជាមេទ័ពដ៏ល្បីឈ្មោះ និងជាអ្នកក្លាហានដែលមានគុណធម៌ ពេលត្រូវព្រួញពិសរបស់មេទ័ពឆាវឆាវ កូនរបស់គួនអុីក៏បានអញ្ជើញគ្រូពេទ្យទេវតាដើម្បីព្យាបាលមុខរបួស ពេលព្យាបាលរួចគ្រូពេទ្យបានប្រាប់ថា ជាតិពិសក្នុងខ្លួនលោកម្ចាស់ខ្ញុំបានយកចេញអស់ហើយ ប៉ុន្តែលោកម្ចាស់ត្រូវសម្រាកចំនួន១០០ថ្ងៃសិនទើបអាចប្រយុទ្ធបានទៀត ភ្លាមនោះគួនអុីមិនព្រមហើយថែមទាំងនិយាយថា ខ្ញុំប្រើតែដៃម្ខាងក៏អាចកំចាត់មេទ័ពឆាវឆាវបានដែរ ដោយសារភាពមានៈរបស់គួនអុី លោកគ្រូទេព្យក៏មិនហ៊ានរារាំងអ្វីទាំងអស់។ ដោយហេតុថាចង់ជួយឪពុក កូនរបស់គួនអុីបានព្យាយាមអង្វរលោកគ្រូពេទ្យទេវតា ដើម្បីជួយផ្តល់យោបល់ដល់គួនអុីឱ្យផ្អាកការប្រយុទ្ធ គ្មានជម្រើសគ្រូេពទ្យទេវតាក៏បញ្ជាក់ប្រាប់កូនរបស់គួនអុីថា “ជំងឺរបស់លោកម្ចាស់ខ្ញុំបានព្យាបាលជាសះស្បើយ១០០ភាគរយហើយ ប៉ុន្តែជំងឺក្អេងក្អាងរបស់លោកម្ចាស់គ្មានថ្នាំព្យាបាលឡើយ”។ មេទ័ពល្បីឈ្មោះនិងក៏ជាអ្នកក្លាហានដែលមានគុណធម៌ គួនអុីបរាជ័យដោយសារ៖
- ការយល់ឃើញថាខ្លួនឯងចេះគ្រប់សព្វ
- ការមានភាពរឹងមានៈមិនស្តាប់យោបល់អ្នកដ៏ទៃ
- ការមានចរិកអួតក្អេងក្អាងមើលងាយសភាពការណ៍ ចំណុចទា…

Search This Blog

Khim Phon