Posts

Showing posts from October, 2018

អានច្រើនកើនចំណេះ អានម្តងមិនចេះត្រូវអានម្តងទៀត

Image
បើអានចប់ហើយ មិនក្លាយជាអ្នកមាន Napoleon Hill និង Robert T. Kiyosaki ត្រូវទទួលខុសត្រូវ។ ........................................................................................
អានច្រើនកើនចំណេះ អានម្តងមិនចេះត្រូវអានម្តងទៀត  អានច្រើនមិនចោលម្សៀត អានហើយគិតទៀតទើបមានតម្លៃ។
អ្នកដឹងច្រើនមិនទាន់គ្រប់ អ្នកចេះដប់មិនស្មើអ្នកប្រសប់មួយ ដឹងហើយមិនធ្វើគឺជារឿងព្រួយ ដឹងមួយធ្វើមួយទើបជាការល្អ។
អ្នកពូកែអានសំបូរទ្រឹស្តី អ្នកពូកែនិយាយមិនចូលចិត្តធ្វើ អ្នកពូកែប្រាប់ច្រើនតែជាថ្នាក់លើ អ្នកពូកែធ្វើគឺជាកូនចៅ។ 
ចង់ចេះត្រូវខំរៀន ចង់មានត្រូវចេះសន្សំ ចង់ឡើងដំណែងត្រូវហ៊ានធ្វើការធំ ចង់បានសុខដុម ត្រូវគិតមនុស្សជុំវិញខ្នួន។ 
អ្នកមានច្រើនខ្លាចក្រ ចំណែកអ្នកក្រច្រើនខ្លាចមាន ការគិតធ្វើតាមឃ្លាន ទោះបីគ្មានក៍អស់ចិត្ត។ 
មនុស្សជោគជ័យច្រើននិយាយត្រូវ ទោះគ្មានផ្លូវក៏ទៅបាន ឃើញឆ្មាថាខ្លានៅស្តាប់បាន ដល់ពេលធ្លាក់ប្រាណទើបដឹងខ្លួន។

បណ្តុះបណ្តាលបុគ្គលិកបានល្អពួកគេនឹងចាកចេញ ប៉ុន្តែថែរក្សាបុគ្គលិកឱ្យល្អពួកគេមិនចង់ទៅ (Train Vs.Treat )

Image
ទស្សនៈផ្ទាល់ខ្លួន៖ 

ដើម្បីជំរុញផលិតភាពការងារ ក្រុមហ៊ុនចាំបាច់ត្រូវតែធ្វើការបណ្តុះបណ្តាលបុគ្គលិកទៅតាមជំនាញនិមួយៗ ដោយហេតុថាការអភិវឌ្ឍន៍សមត្ថភាពបុគ្គលិកគឺជាបន្ទុករបស់ក្រុមហ៊ុនផ្ទាល់។  
បុគ្គលិកទទួលបានការបណ្តុះបណ្តាលពេញលេញ និងត្រឹមត្រូវមិនប្រាកដថាក្រុមហ៊ុនទទួលផលិតភាពការងារច្រើនជាងមុនឡើយ ដ៏រាបណាបុគ្គលិកទាំងនោះមិនទាន់ទទួលបានការថែរក្សានិងយកចិត្តទុកដាក់សមរម្យ។ 
ក្រុមហ៊ុនថែរក្សាបុគ្គលិក ប្រៀបបានដូចឪពុកម្តាយចិញ្ចឹមកូនអញ្ចឹងដែរ ផ្តើមដំបូងពីការផ្តល់កំណើត រហូតដល់ពេលកូនៗមានគ្រួសារនិងជោគជ័យក្នុងជិវិត។ ចំពោះក្រុមហ៊ុនក៏ដូចគ្នាដែរ រាប់ចាប់តាំងពីការជ្រើសរើសចូលដំបូង បណ្តុះបណ្តាលបន្ថែម ថែរក្សាឱ្យបានល្អ និងធ្វើឱ្យបុគ្គលិកជោគជ័យជាមួយក្រុមហ៊ុន។ 
ការគ្រប់គ្រងនិងការដឹកនាំបុគ្គលិកគឺជារឿងមួយដ៏លំបាកនិងស្មុកស្មាញបំផុតនៅក្នុងក្រុមហ៊ុននិមួយៗ ប៉ុន្តែក្រុមហ៊ុនត្រូវតែហ៊ានប្រឈមជាមួយបញ្ហានេះ ដោយសារគុណភាពរបស់ផលិតផល/សេវាកម្មគឺពឹងផ្អែកទាំងស្រុងទៅលើសមត្ថភាពរបស់បុគ្គលិកម្នាក់ៗ។

យុទ្ធសាស្រ្ត Vs វប្បធម៌

Image
មានយុទ្ធសាស្រ្តល្អមិនប្រកដថាជោគជ័យ ប្រសិនបើមិនមានវប្បធម៌ល្អ។  វប្បធម៌អវិជ្ជមានរបស់ស្ថាប័ន អាចបំផ្លាញផែនការយុទ្ធសាស្រ្តបានគ្រប់ពេល។