សន្សឹមៗកុំបំបោល ក្រែងពុំដល់ដូចប្រាថ្នា
ពាក្យចាស់មួយឃ្លាពោលថា"សន្សឹមៗកុំបំបោល ក្រែងពុំដល់ដូចប្រាថ្នា" ការធ្វើដំណើរទៅមុខឱ្យលឿនគឺជាចំណុចវិជ្ជមានរបស់បុគ្គលម្នាក់ៗ ប៉ុន្តែសួរថាពិតជាអាចទៅដល់គោលដៅមុនគេមែនទេ? ចម្លើយនៅមិនទាន់ឆ្លើយបាននៅឡើយ ដោយសារផ្លូវដើរឆ្ពោះទៅរកគោលដៅនោះ វាអាចនឹងប្រឈមជាមួយឧបសគ្គជាច្រើនដែលអ្នកមិនទាន់បានដឹង ជាពិេសសអ្នកពុំទាន់ប្រាកដខ្លួនឯងថាជាផ្លូវខុសរឺត្រូវនៅឡើយ។ ការដើរទៅមុខលឿន ប៉ុន្តែដើរខុសផ្លូវគឺជាហេតុនាំឱ្យមានភាពបរាជ័យ និងមានការខាតបង់ទាំងពេលវេលា និងធនធានផ្សេងៗ។ ថ្វីបើអ្នកដើរយឹតៗ ប៉ុន្តែដើរចំផ្លូវទៅរកគោលដៅ វាពិតជាអាចធ្វើឱ្យអ្នកចំណេញពេលវេលា និងកំលាំង ហើយអាចនាំអ្នកទៅដល់គោលដៅមុនគេថែមទៀត។ ដូច្នេះខ្ញុំអាចនិយាយបានថា " ការធ្វើដំណើរទៅមុខលឿនរឺយឺតមិនសំខាន់ អ្វីដែលសំខាន់បំផុតនោះគឺ ការទៅដល់គោលដៅរបស់អ្នក" ៕
Comments